لف الدنيا...للأستاذ القدير ابراهيم محمد آدم

لف الدنيا لف الدنيا كلها ودور تلاقي ضلمه ونور تقابل ناس قلبها ابيض تحبك وتاخدك في حضنها تقف جنبك زي ابنها تهنيك في افراحك وتشيل عنك همومك واحزانك تشوف الحنان في نظرة عيونها والحب تسمعه في دقة قلوبها وهتلاقي ناس اسود قلبها عمرها في يوم ماتحبك ودايما تشوفك عدوها تبعد عنك ولا يوم تقف جنبك تلقىٰ الغدر في عيونها والكره تسمعه في قلوبها تاخدك للمستحيل ولا عمر في يوم قلبها يميل وتقابل ناس على كل شكل ولون تشوف ناس ولاد ناس الادب طبعهم والاحترام نهجهم السماحه والبسمه منوره وشهم يعاملوك بذوق والحنضل من لسانهم ما تدوق تساعدك ودايما تقف جنبك ولا تقف يوم ضدك وتلاقي ناس بالجزم تنداس قلة الادب والسواد على وشهم زي الافعى السم مالي بطنهم عمرهم مايكونوا حبايب والسكر عندهم دايما دايب وخلي بالك الدنيا مليانه كتير تلاقي اللي بيضحك ليك واللي بيضحك عليك واللي يقف جنبك يواسيك ويحميك واللي يهرب ويبعد عنك ويبكيك ابراهيم محمد آدم