خواطر بعنوان ( :( عندى وبالدنيا )....للشاعر القدير محمد عباس

خواطر بعنوان ( :( عندى وبالدنيا ).
ده اللى منى ناسينى
ليه ادور ع الغريب.
بعيد عنى سقينى
مر وحرمان وغيب
شهور وهوه جافينى
ليه ادور ع الطبيب...
وانا اللى عندى مكفينى
النوم مفارق وناسينى.
والدمع دوب مناديلى....
والحزن عشش فى جبينى
الدنيا قاسيه وغدارة
والشغل فهلوة وشطارة
والدمع عندنا بغزارة
والذكرى بتساوى سيجارة
اغلى الحبايب فايتنى
فى شدتى وانا مستنى
مين يطبطب ويشيلنى
ياريت فى حد يفهمنى
عندى وبالدنيا
مش عايزة حاجه تانيه
غير وقفتك جنبى
وده عندى بالدنيا.
ايه اللى فأضلى
انك تكون منى
شايلك وفى الننى
وفى دعوتى بسمى
انك تكون جنبى .
ده شىء يطمنى.
ده انت اللى فاهمنى
وانت اللى تحرمنى
لوكنت تالمنى
ابعد بعيد عنى
عندى وبالدنيا
مش طالبه حاجه تانيه
تفرح تفرحنى
تنسي اللى يجرحنى
العمر بيعدى.
عايزك تنول ودى
ولاشىء يفرقنا
ولاحاجه بتعدى
شهور ومستنى
تكون قريب منى
مين غيرك عنى
قالك كلام انى.
فى وحدتى بغنى
عايش ومتهنى
ولايوم كده هفكر
اسال ولاهقدر
ولايوم تنول حبى
ولامرة راح اخبى
فى قلبى وبودى
انك تكون ندى
اروحله مش بيجينى.
ولالوش لزمه الكلام.
اعتابه مابيدينى....
عطف وحب وحنان.....
اجبله مين يراضينى.
اروح اخبط ع الجيران
شهور وهوه ناسينى.
وبدون حب وهيام
صله رحم ده لغيرى
وعندى يبقى مدان
بدون سبب يواسينى
غير قسوة الحرمان
مستنى ايه ويجينى
يقولولك كان وكان
لاغربه بتاثر .
ولاحتى فى معروف
الدنيا تلهينا ....
وبننسى اى خوف....
طب ايه يفكرنا
بنودع بالالوف.
وننسي وبسرعه
النقط ع الحروف
بقلم محمد عباس
الاسماعيليه.مصر