عميل جهدك !!بقلم_المحامي_أحمد_يمان_قباني

عميل جهدك !!

عميل  جهدك لا تبكي
ضب الغصة لا تشكي
كتوم دموعك جوا ....  حزنك
غير صوتك ... شقشق جفنك
ودع  ........ريحة دمك بابنك 
و ودعني بس لا تحكي
...…………………
عميل جهدك لا  تبكي
ضب الغصة لا تشكي
سلم ع  الموت بعيونك
قله  كيفك قله  شلونك
و زيد  بكلمة  ممنونك
أخدت ولادي و الضحكة
...………………………
عميل جهدك لا  تبكي
ضب الغصة لا تشكي
وزع ورق النعوة  بايدك
وقف دمك   سد وريدك
صرخ قد ما الله يزيدك
بس لا توقع بالشبكة
.....…………………… …
عميل جهدك  لا تبكي
ضب الغصة لا تشكي
شد رحالك من دارك 
جار الله اذا الله جارك
احفر اسمك عحجارك
لا ولاد  و لا تركة
....…………………………
عميل جهدك لا  تبكي
ضب الغصة لا تشكي
بيع الوجع اذا حسنت
بيع  الدمع  اذا فطنت
ميني أنا و مينك  أنت
و مين فطيم بهل الدبكة
....…………………
عميل جهدك لا تبكي
ضب الغصة لا تشكي
قيس الحلم  اذا ضل
اربط الأمل اذا .. فل
حتى لو قلبك ...  مل
حتى لو خانتك الضحكة
....………………
عميل جهدك لا تبكي
ضب الغصة لا تشكي
عد خيال الناس ال  راحوا
عد الآه  ال .....  بجراحه
و آه .. ال بعدن ما باحوا
و آه الأم  ال عم تبكي
...……………….
عميل جهدك لا تبكي
عميل جهدك لا تبكي 

#بقلم_المحامي_أحمد_يمان_قباني

https://youtu.be/1Ohoe6VFag0