كلمتين على جنب...للشاعر القدير عاطف محمد

ديوان كلمتين على جنب حاليا بمعرض القاهرة الدولى للكتاب ٢٠٢٢ دار دريم بن للنشر والتوزيع صالة ١ C37 كلمتين على جنب ديوان الشاعر عاطف محمد كلمتين على جنب اسمعهم لو تحب ممكن يغيروك أو حتى يبدلوك وبيهم يوم تحب أدي كلمتين فرح فى ميدان السعادة مزمار مع طبلة بلدي بعيد عن قهوة سادة وكلمتين عزيمة فى أيدينا سيف هانقدر ونعدي المستحيل ونوصل فيه ونقهر وننور كل ليل وكلمتين هموم لبسناهم ف يوم ولضمنا حزننا وضفرنا الغيوم فى سمانا وحظنا وكلمتين فصاحة بكلام الضاد وصفت وقولت كل حاجه سمعت كمان وشفت وكلمتين لحزن كان كابت ع النفوس طفى بكره اللي جاي وكسر مليون فانوس لكن فوقنا بسرعة من وهمة الكابوس وكلمتين حياة من جوه المجتمع دورنا ع اللي تاه مابقاش بيتسمع وجبنا كل ناسه وقولنا نجتمع وكلمتين ف حب وهمسات القلوب ومشاعر ف الحبيب دايبه م العشق دوب ديوان للشعر لكن مجمع المشاعر وراصصها تسع صفوف وناوى يقول ويحكي من غير وجل وخوف ولا أي تأتئه من غير مانسيب حروف ديوان جواه ديوان هايسافر بينا توا لزمان بعد الزمان مره تلاقينا نضحك ومره دموعنا تملا كل حدود المكان وساعات يخبط ف راسنا ويفوق عزمنا ف نقوم بسرعة نلحق بقية حلمنا نصرخ ونقول بسرعة كلمتين ...... على جنب