بَحْ الصُّوت...للشاعر القدير محمد حديش

♤زجل♤ بَحْ الصُّوتْ ~~~~~~ بَــــــحْ الصُّوتْ ؤُتَقْهَرْ مالْڭة مْحَنَّة الْڭَلْبْ مْنَخَّصْ تْـــــخَطْفَاتْ الفَرْحَة وَالحْمَلْ مْـــثَقَّلْ هَمْ مْعَكْلاهْ العَڭْبَة ؤُالجَّرْيَة نَــــــشْفو ريقْها بَالشَّحْطَة كُلْها يا راسي ؤُبَــــــعَّدْ مَْن ساسي تْخَمَّسْ سْنينْ عْـــــمَرْ راجَلْ مْڭَدَّرْ إِحَشُّو غَرْسَــــــكْ بَالــغْدَرْ بْلا عَتْلَة ؤْحْــــصادَكْ صَرْفوهْ تْكالْ بَالشَّمْتَة الْحَــــــرْڭَة مْقَرْجْطَة عـافْيَة ڭادْيَة والصْبَرْ تَــــــضْبَرْ مَـحْرودْ بَالْحَڭْرَة تَــــــقْلَبْ ضَوْ الـــنْهارْ لليلْ فَالڭَيْلَة وَظْلامْـتْ الْخْواطَرْ كولْها حــــــالَة شْدِّيــــــتْ فْ خْيوطْ ضَيْ الْڭَمْرَة شَــــــمِّيتْ تيهالْ وعْـــطورْ فايْحَة لــــــْديكْ لِـيَّامْ الدْيورْ الكْبارْ الزِّينَة نـــــاسْ النَّخْوَة وَالجودْ المَغْروسْ تْوَحَّشْتْ شْـــــريبَة رَقْراقْ الْعْوينَة سْڭاها صْفا ڭَـــــرَّابْ دَرْبْ المْحَبَّة رْوى بيها رْجالْ وَالـــنْسا وَالدْراري ؤُكُلْها حــــــاضَنْ الـــــدْفا بَالمْحَبَّة الجُّــــــورَة مْصَفْيَة خْيورْ مَوْروثَة ماكــــــينْ غْـــدَرْ مْحَقَّدْ وَلا غْبينَة الوْجــــــوهْ مْبَسْمَة سَمْحَة كَتْلالي ؤُكولْشي حامَدْ مولْ الجودْ العالي ياريتْ تَــــرْجَعْ لِيَّامْ وْتَزْها ثــــاني ياريتْ تَــــرْجَعْ لِيَّامْ وْتَزْها ثــــاني بقلم محمد حديش ~~~~~~~~~ 28\11\2018