بكم نرتقي وبحروفكم نتألق ..نتمنى لكم التوفيق
الجمعة، 5 نوفمبر 2021
يعني أيه الوجع...للأستاذ القدير السيد محمد الدالي
يعني أيه وجع
*الوجع لما تثق في شخص ثقه عمياء وفي الآخر يخونك.
*الوجع لما تشقى وتتعب علشان ناس ما تستهلش تعبك.
*الوجع لما تعمل المستحيل علشان حبايبك يحسوا بيك وهما ولا هنا.
*الوجع لما ظروف الحياة ترميك على حافة جبل هموم وتحت الجبل مليون عين شامته مستنيه لحظة سقوطك.
*الوجع لما طول الليل محدش بيطبطب على جرحك ويواسيك ويمسح دموعك غير مخدتك.
*الوجع لما تصادف حد يقولك إنت شعرك شاب كدا ليه
دا انت اصغر مني ياجدع .صعبان عليا شلت الهم بدري.
*الوجع لما تلاقي أغلبية الوشوش مزيفة قدامك بتمدحك
ومن وراك بتهدمك وتدفن حقيقتك في التراب.
*الوجع لما تسافر بعيد عن وطنك وتحس إنك مجرد لاجئ
في عيون اللي حواليك.
*الوجع لما حد يحكي قصة مشابهة لمعاناتك وألمك ودموعك
تنزل منك ويسألك طيب أنت بتبكي ليه.
*الوجع لما تكتب وتتكلم بإحساس صادق وحروفك وكلامك ولا حد حاسس بيهم الكل أتعلموا يبقوا جماد.
*الوجع لما تغلط وتحن لناس باعوك ورموك للأحزان تنهش
وتقطع فيك وهما عايشين حياتهم وانت اللي بتموت.
*الوجع لما تكون أسد مفترس وليك هيبتك ويجي عليك يوم تبقى فريسة لأضعف شيء على الأرض.
*الوجع لما تلاقي القلوب بقيت قاسية ولا بتحن على غلبان ولا سائل ولا يتيم ولا محتاج الكل عامل أطرش.
*الوجع لما محدش يحس بظروفك ولا بيقول الله يكون في عونه ولا حد سايبك في حالك الكل جاي عليك.
*الوجع لما تحس بالغربة فى وطنك وتحس إنك مجرد شيء على الهامش ولو حبيت تظهر في الصورة وتبقى حاجة
يا إما تبقي صورتك قتيل أو ترند لمجرم أو متسول .
*الوجع لما تقول الحق وتنطق وتلاقي نفسك مظلوم ولا حد بيدافع عنك ولا حد واقف جنبك.كل بيقول نفسي وبس.
*
*الأوجاع كتييير قوي ولو فضلت أكتب هكتب مليون كتاب
من اللي انا شايفة في الحياة اللي إحنا عايشين فيها دلوقتي.
* الله المستعان . الله المستعان . الله المستعان .
*
✍️السيد محمد الدالي
الاشتراك في:
تعليقات الرسالة (Atom)
ليست هناك تعليقات:
إرسال تعليق