دعواتك يا أمنا...للأستاذة القديرة إنتصار ماضي أم أحمد

دعواتك يا أمنا ..................... ساعات بتنزل دمعتك يمكن خشوع يمكن محبة يمكن رضا .... وفي لحظة تانية...... تتذكر كل اللي مضى تقول سنين عمرك.... مشيت و راحت فضا كنا فين لما عقولنا تحجرت وبقت صخر كل الحزن بقا جوانا ومتنا يا يمه من القهر انت سامعاني يا يمه سامعة روحي وهي بتذوب من الهموم ده هم تقيل يا يمه مهواش هم يوم .... انا بقا ليا كتييير حكايات.... حكايات النهارده وحكايات اللي فات كلها يا يمه ذكريات آه من الدنيا ..... وبنقول عنها فانية دي بقت علينا جانية دعواتك يا أم قلب أبيض... ده انت الحب والحنان ومن غيرك بنتخبط وكل دنيانا بتتلخبط احسن حاجة يا أمنا انه بايديكي كان زرعنا وأبدا ما نهينك عمرنا يا جنة القلب والعين ومهما دارت بينا السنين حتفضلي روحنا وأمننا ✍️ انتصار ماضي أم أحمد