بكم نرتقي وبحروفكم نتألق ..نتمنى لكم التوفيق
السبت، 27 مارس 2021
قضيب الصعيد.. للأستاذ القدير.. محمد عباس
خواطربعنوان : ( قضيب الصعيد )
بقلم محمد عباس
الاسماعيليه مصر
مابين الماضي والحاضر
انا عايش هنا فاضل
انا راضى اقول حاضر
لكن عمرى ماكون صابر
على مسلسل بيتكرر
ويوم ورا يوم بيتغير
مآسي بيوت بتتدمر
وقصه عمرها قصير
لافيها كبير ولاصغير
فين المسؤل ومين دور؟!!!
مين الجانى ومين دبر
انا مش هنفخ فى النار
دى النار فى كل حته
ودموع فى كل دار
اهمال فى كل سكه
اناعندى رسالة واضحه
وبقولها للشطار
ندرس الاسباب ونحلل الاخطار
ليه كل مرة نقول
ربك حليم ستار
بدل نزيف الدم
وعيال تشيل الهم
نوقف نزيف الدم
فى الشارع والطريق
لحظة حسم وتحدى
تحقيق بعد الحريق
ضوابط لاجل نمنع
اهوال واقصى ضيق
الحزن فى البيوت
واثار العنكبوت
فى الفكر والردود
والقسوة والجحود
تعويض مش كفايه
قصة فيلم وروايه
حرمان عطف وغايه
ايتام وصراع ولاية
حرام ارجوك كفايه
بقلم محمد عباس
الاسماعيليه . مصر
الاشتراك في:
تعليقات الرسالة (Atom)
ليست هناك تعليقات:
إرسال تعليق