اخت حلوة...للأستاذ القدير محمد عباس

خواطر بعنوان (:( اخت حلوة )
قولي مين عايش وراضي
مين فاكر ذكرى وماضي
زي نور للعين وقاضي
روحي عمرى وزي امي
كل حاجة شايلة همي
في سؤالي وفي جوابي
ربي بارك ربي سمي
اغلي عندي م التمني
قلب نابض شوق تملي
كل عيد وانتي ملكة
كل لحظة وانتي بركة
همس روحي دعوة منك
طيف شاغلني بيحكي عنك
احلي حاجة حلوة إنك
في مواقف جنبي  قلبك
بيبادلني نبض فكرك
منحرمشي عمرى منك
فاكرة دايما عيد ميلادي
زينة فرحة بيت ونادى
اغلي قلب وحب هادي
يوم جميل وفوق العادي
بين ولادك اغلي درة
شمس تشرق كل مرة
نور ودفء اماني حرة
اخت راقيه ودنيا حلوة
زي نور للعين وقاية
زهرة في بستان جنينة
صحوة تسعد اسرة عيلة
طير يغرد احلي غنوة
في الشدة طوق نجاة.
عطية ربي علي الحياة
بسمة فوق خدى تلالى
اختي عمرى وكل حالي
لما اشوفك كل سعدى
اللي عنده اخت حلوة.
فوق جبينه احلي غنوة
واللي شايف شمس بكرة
نور بيطلع كل ثانيه
واللي رايح كان مسافر
لابد يرجع هي دنيا
كل عاشق كل غالي
قلبه طيب نجمه عالي
إنسي خالص يوم تكشر
اوعي تغضب يوم تفسر
جبر خاطر واوعي تحزن
عيش بسيط الدنيا احسن
 داوي المك صفي قلبك
بكرة تجني كل عملك
اوعي تنظر حد ظلمك
بقلم محمد عباس
الاسماعيليه مصر