شعاع الأمل ...للشاعر القدير محمد خميس حسن

شعاع الامل

سرسبي يا شمس
شعاع نورك

علي ضفاف نيلك

يرسم لبكره خطاوي

تشيل الهم من علي جبينك

ويعطي الامل لأجيال جايه

خايفه..لتغيبي
....     ويجي ليلك

سرسبي يا شمس شعاع نورك
علي ضفاف..نيلك

يحكى مواويلك

ابني بيوت من نور

تخلي الامل محفور

جوه شبابكيك

يشيل اليأس من علي رأس

ناس فاكرة أن الأمل مش جاي

يحي مراسيلك

سرسبي يا شمس شعاع نورك

علي ضفاف نيلك
يحكى مواويلك

الشاعر محمد خميس