نبطل بأه (حكاية ايقاعية باللغة المحكية) بقلم..مرقص إقلاديوس

نبطل بأه
(حكاية ايقاعية باللغة المحكية)
بقلم..مرقص إقلاديوس
......
يا ريت
ترجعوا تكتبوا عن الأمانى.
تكتبوا عن زماننا.,,تكتبوا عن مكاننا.
تكتبوا عن الفرح،اللي مش عارف
إن كنا احنا إللى نسيناه .و لا هوا اللي هجرنا.
يا ريت
نبطل بأه البكا على اللي راح.
ونصاحب بأه الفجر اللي لاح.
 نرجع زى زمان الأمل يملا كياننا.
بإيدينا نحفر الصخر.
 لغاية ما يبان للناس مكاننا.
ياريت
إنتم و أنا ننوي نفرح.
أصل نية الفرح لما تتزرع في القلوب تطرح.
و ثمر الفرح لسه زى زمان بيفرح.
بس إنتم اصدقوا النية.
و إنتم تلاقوا الدنيا غير الدنيا.

سامعك بتقول لى إيه اللي هيجرا يعني.

أبدا...
هنغير اتجاه العينين و الرقبة.
و بدل ما تبص تحت لطين الأرض .
بص لفوق للسما ..
للسحابة اللى جايبة فرحة و جاية.
و قول يا رب
أصل اللي يقدر يغير الدنيا.
الواحد اللي بدع الدنيا.
          ملاح بحور الحكمة..مرقص إقلاديوس