⁦✍️⁩محمود فوده سمعني صوتك

⁦✍️⁩محمود فوده

         سمعني صوتك
إفتـــح يا حبيبي وسمّعنـــي
عالّي كمان صوتك شجعنـي
دنا روحي فيك انت عرفني
يا وحشني إمتــه ترجعنــي
       ------&&&------
يلى افرح ويايا مــن قلبـــك
انساهــم ولا تنساش حبـــك
راح اقول للدنيا إني بحبــك
مين بس هيقــــدر يمنعنــي
      -------&&&------
فين حبك راح ويا ضميــرك
لـو تعـرف إن مليش غيــرك
هتقول يا حبيبي كتر خيرك
وهتعذر قلبـي ما توجعنـــي
       -------&&&------
ما كفـايه زمن عـــدى علينـا
تايهين من غيــرك يواسينــا
زي مـــا بترسيـــك رسينـــا
دنا قلبي عليك ما تودعنــي
       -------&&&-------
تنساني وتنسى اللـي ما بينا
ولا انت نسيت يامـــا حلمنـا
مع قمر الليل ويامـا سهـــرنا
ليه بس تفكـــر تقاطعنــــــي
       -------&&&-------
ميهنش عليك ترمي سلامك
حبيتك يا وحشنــي كلامــك
مين كان بيجيلك فى منامك
عمـــر ما حسيتــك بتبعنـــي
      -------&&&--------
هتسبني وحيد هفضل اعاني
من غيــرك فيـــها بيهـــوانــي
واتحــدى الدنيــا علشــانــــي
مفيهــاش غير قلبك بيسعني
       -------&&&-------
لــو بعت الدنيـــا بمــا فيــــها
وعشــــــانك أزرع أراضيــــها
يا قمـــر ومنــــور ليـــاليــــهـا
ما هساوي حنان قلبك يعنـــي
       --------&&&-------
شايفك فى الدنيا بتحمينــــي
يوم ما ازعل انت بترضينـــي
لـــو دمعـــه بتنـزل تواسينــي
ولا عمـرك كنت بتخــدعنــــي
        -------&&&-------
قـــرب مــن روحي تلاقينـــي
وهتلاقــي الفرحه فى عيونى
حبيتك انت يا نـــور عينــــي
مين غيرك فيها كان ينفعنـــي
       -------&&&--------
مين كــان بحنــــانه بيحميــها
من حلـــى جمــالها  خطـاويها
مين قطف الورد وقـــال ليهــا
شـــوف حبـك هو اللي دفعنى
       --------&&&--------
إفتــــح يا حبيبــي وسمعنــي
عالّي كمان صـوتك شجعنــي
       -------&&&--------
            من ديوان
       أهواك بلا حدود
          20 ⁦✍️⁩20⁦
          محمود فوده