خليك على جنب... طه هيكل

خليك على جنب
اركن
ابعد
ملكش في قلوبنا  مكان
ولا ليك عندنا تقدير
أصل الوقت مش وقتك
ولا ليك عندنا حاجة
اركن
ابعد
خدتوا م الشهرة كتير
وعملتوا اسم وملايين
بالهجص والتهريج
وعند الجد ملاعين
هبر ونصب وقلة قيمة
ودناوة وشغل أونطة
والعربيات أشكال وألوان
والخيبة ليكم عنوان
والمفروض تكونوا بعيد
في آخر صف
أو تسيبوا مكانكم خالص
للطب والتمريض
والعلم والأبحاث
كفايانا من سفاهتكم
شبعنا من تفاهاتكم
وشبعتوا شهرة وفلوس
دلوقت ملكومش مكان
واللي جاي غير اللي فات
فاتنا كتير بسببكم
وعملتوا فيها طرزان
ولو مش عاجبكم
الباب يفوت جمل
خدوا الجمل  بما حمل
بس سيبوا  الباب موارب
لأننا عرفنا مين نمبر وان
ومين ملهومش لازمة
لعب وفن
جبتولنا الهم
وكفايا مهرجانات
وكلام فارغ وحانات
اللي جاي للعلم والعلماء
وأنتوا اركنوا  على جنب
طه هيكل