مجلة جوهرة الشعر العربي الأدبية الإلكترونية

وحياتك جاهز للتعديل !

و شايف حبك عم بتسمّعْ

ع همس المواعيدْ

حُبك سماوي..يا نجمة..

مقيدني... تقييدْ

حبك  ماشي متل النسمة..

مشي العشق  بعيدْ

ناطر الشوق البعيونك..

ترجع  نارو تقيدْ

حُبي صاعد فوق القمة..

و النبضات رعودْ..

حبي ماطر غيثو لمسة

للخصر و الجيدْ

حبي غاضب لو من  كلمة..

ما بتعبر الحدودْ

يا قمر شو اللي خلانا

و ع سطح القرميدْ

صرنا نحكي عن هوانا..

بباقة الأوركيدْ

حتى اللهفة عم تنسانا..

مشتاقة  للتجديدْ

عشق الأرض في دمانا..

و عشقك كلو سدودْ

شايف حبك عم بتوجع

من جمر التهديدْ!

حبك سماوي.. بسمانا..

أفلاطوني أكيدْ !

بعرف إنك بتحبيني..

من جوا الوريدْ..

متل ناسك حط بروحي..

نقاء المعبود ْ

شايف حبك عم بتجمع

عنقود و عنقودْ..

يمكن في  شغلة تتعدل

من بعد التنهيدْ

وأنا بقلبي طالع أزرع..

وردة للشهيدْ

يا قمر يا حبي الأروع

أنا حبي عنيدْ

حامل قلبو متل المدفع

و الجرأة تعويدْ

حالف لما الوطن برجع

يركع في سجودْ

شايف حبك عم بتطلع

ع صوت النشيدْ

سليمان نزال